Ulaon ni Apostel 12:1-11

1 Tar di tingki i ma dilaluhon raja Herodes tanganna tu deba na sahuria i paporsukporsukkon nasida.

2 Podang do dibahen mambunu si Jakobus, dongan saama ni si Johannes i.

3 Jadi dung diida, lomo roha ni Jahudi disi, didatdati ma, ditangkup ma dohot si Petrus, tongon di angka ari ni pesta Paska i.

4 Jadi dung ditangkup, didabu ma ibana tu hurungan, dipasahat ma ibana tu opat hali opat soldadu panjaga; ditahi rohana, naeng togihononna ibana tujolo ni natorop, dung salpu pesta Paska i.

5 Asa dijaga nasida do si Petrus di hurungan i; alai sai didatdati huria i do tumangiangkon ibana tu Debata.

6 Dung i di na naeng togihonon ni Herodes si Petrus, modom do ibana borngin i di holangholang ni dua soldadu, tarihot dohot rante dua; di jolo pintu ni hurungan i pe adong do na manjaga.

7 Dung i tompu ma ro surusuruan ni Tuhan i jadi marsinondang ma sada panondang di bilut i, dituktuk ma lambung ni si Petrus manungguli ibana, huhut didok: Hatop ma ho hehe! Jadi marpeutan ma angka rante i sian tanganna.

8 Dung i didok surusuruan i ma tu ibana: Hohosi ma dagingmi, pasang ma sipatumi! Jadi dibahen ma songon i. Dung i didok ma tu ibana: Uloshon ulosmi; ihuthon ma ahu!

9 Dung i diihuthon ma ibana laho tu balian, jadi ndang diboto, manang na tutu do songon i masa tu ibana marhite sian surusuruan i; dirimpu do, di bagasan tondina diida i.

10 Alai dung dibolus nasida panjaga na parjolo dohot na paduahon i, sahat ma nasida tu harbangan bosi, dalan tu huta. Jadi mungkap boti ma i di jolonasida, gabe ruar ma nasida tu dalan di huta i, dung i pintor sirang ma surusuruan i sian ibana.

11 Jadi dung tarjolma si Petrus, ninna ma: I pe asa huboto situtu, naung disuru Tuhan i do surusuruanna mangaroro ahu sian tangan ni si Herodes dohot sian nasa na niarop ni bangso Jahudi.

Dingolunta siganup ari, sai tauji do, asa sada tantangan gabe peluang. Dilehon Debata do tu hita:

Hatauon / Kemampuan laho patupahon i

Diparade do hita tusi. I do umbahen diajari hita: benget, serep, sabar-tabah, alai bisuk. Jala umbalga sian i sude, i ma: didongani dohot dipargogoi do hita. I do pos ni rohangta, ala didongani jala dipargogoi do hita. Minggu na salpu, tabege jamita asa unang holsoan. Ndang adong holso na boi mangatasi soal na taadopi.

Di halak Indian, molo adong anak na boan sai dilatih do i, asa mampu mangadopi keadaan: tombak, borngin, holom, merasa sendiri. Hape: dung torang ari, di ida ma disi do among na manjaga anakna i. Mengkel ma ibana. Lobi sian i sipata panghilaonta sandiri: ndang adong na ro mamangkulingi. Hape adong do Debata: paradehon lobi sian tapangido:

- Mangalusi tangiangta

- Humolong do rohana di hita sian hita sandiri.

- Umbotoan do Ibana naringkot di hita sian hita sandiri.

- Hita do olo manghilala songon na so adong manangihon hita.

Songon na pabalga hu ma angka tantangan na taadopi dingolunta on.

Hamu angka dongan

Turpuk on, mamangkulingi hita patubegehon angka na nadopan ni halak Kristen a parjolo i dohot angka Parbarita na uli.

Posi do diadopi nasida

Borat do i sian paretonganta

Alai ndang so

Gariada mangerbang do.

Tantangan, gabe hamajuon ni Huria do:

Hambatan, Tantangan, dohot Rintangan on boi gabe peluang do dibahen angka Apstel na parjolo i, di bagasan hasadaon dohot angka na porsea i, marhite panogu-noguon ni Tondi Parbadia.

Taboto do ise Raja Herodes.

Herodes Agung: I ma na mamunu angka poso-poso di Betlehem, ala dibege ibana naung tubu Jesus, na naeng gabe Raja. Sangkap na, asa mate Jesus. Herodes namangihut I ma: Herodes Antipas on ma na mamancung ulu ni si Johannes Pandidi. Laos I do nang na ni adopon ni Apostel Jakobus dohot Apostel Petrus di jaga mansai ketat uju di penjara.

Asing dope angka halak Kristen na mangadopi angka na maol:

- Dibahen marlaga dohot binatang buas abe tontonan

- Dibahen damar jala digalahi gabe obor diborngin niari.

- Na dilele ala marpungu, marende dohot martangiang.

Alai ndang so anggo harajaonni Debata tong do mangerbang. Goriada Huria Batak marjonjongan di anup inganon, ai tudia halak Batak borhat diboan do gareja na, laos jongjong. Nang pe tutu, tudia halak Batak borhat sai di pajongjong do nang lapo tuakna. Dungi tarsurat ma disi: sadaion adong do .....

Dipangke Debata do hitahalak Batak gabe ula-ulana, pararathon harajaon Na. Halak Batak: na dinamis, terbuka, olo mangaranto, taan mangadopi tantangan.

Adong do sian bangkonta i dipangke Debata abe ula-ulana patulushon sangkap na. Gabe parbarita na uli do halak Batak tu sandok portibi on. Alani i ingkon bangga do hita songon halak Batak, ala dipangke Debataula-ulana, nange marpasir do bahasa Indonesianta.

Ai songoni do hita ditompa Tuhan i, unang pola tapasumansuman logatta tu logatni halak na asing.

Adong do sadanari hagogoonta, laho mangadopi angka na masa dingolunta, i ma tangiang. Jala pos ni rohanta i ma, ala adong Debata na rade manangiho dohot mangalusi tangianta. Hagogoonta do tangiangta i.

Margogo situtu dotangiang ni angka porsea, alani i, molo tatangianghon halak na asing, ndada holan patuduhon solidaritas i, alai dohot do patuduhon na mangula do Debata marhite tangiangta, tarpatupa Debata do alus ni tangiangta, jala jotjot do tarida disi halongongan.

Margogo situtu do tangiang ni na porsea, molo dihaburjuhon. Laos i do natarida di turpuk on: dialusi Debata tangiang ni angka namanghaholongi si Petrus, gabe malua do si Petrus ai harhar angka rante na mangihoti ibana.

Ndang na lari, ndang na melarikan diri, alai dipalua Debata si Petrus, marhite angka suru-suru on Na.

Hamu angka dongan

Aha ma sidohonon ni turpuk on nuaeng tu hita:

1. Mangerbang do huria, naung pe sai mangadopi angka tantangan sian duru na.

Ulaonta songan huria i ma pajongjong harajaon ni Debata. Angka apostel na parjolo i, ndang dung hea manohot mangula, ndang pangambati angka na masa, alai tong do nasida marsitutu pararat barita na uli pajongjong harajaon ni Debata.

Taadopi do i nuaeng ditongatonga ni bangsonta. Marragam do diadopi angka hurianta, diinganan na marragam i. Soal izin, soal namarpungu, soal namarende dohot martangiang. Alai nunga diadopi angka naporsea i, sian angka tingki na salpu

Na ingkon masa do angka i sude. Jaminan sian Tuhanta i, i do mambahen pos rohanta, ai ibana do mandok: “sai na donganonku do ho, rasi rasa ro ajalni hasiangan on”.

Penyertaan Tuhan adalah kekuatan kita!!

Di SR DGD, Februari 2006, di porto Allegre, Brazil. Adong do 2 hata na mansai arga disi: 1) Church for others, 2) House of Hospitality

2. Aha do alusta tu parsuruon ni Debata? Disuru do hita tu portibi on. Adong do sangkap ni Debata disi.

- Dijou Debata si Abraham.

Ingkon songon bintang di langit dohot songon pasir di laut pinomparmu hape nunga lanjut usia ibana: Toho do!

- Dijou si Petrus, uju manjala dengke ndang dapotan.

Dungi didok Tuhani tu ibana sampathon ma jala ni tu na umbagasan. Dung diulahon, gok dengke dapot ibana. Toho do.

Alani i, oloi ma parsuruon ni Tuhan i,nang pe maralo tu roham.

Ndang tuk utok-utok

Ndang tuk pingkiran ni jolma

Ndang tuk laho mangantusipanjouon

Dohot parsuruon ni Debata.

Nang pe sipata ingkon paimaonta do tingki na lelet, di alusni Debata. Sipata, olodo ndang tarida sangkap ni Debata. Alai ditingki na, torang do i sai dialusi ibana do nang pangidoan nang tangiangta.

Adong do sada tangiang na tekenal di Asia dalam bentuk PUISI.

- Bunga = Kaktus = Berduri = Bunga Indah

- Kupu-kupu = Ulat = jijik = Kupu-kupu

Ingkon sabar do, ingkon benget do, paimahon :

Ditingki na alusan ni Debata do hita.

Amin.