Poda 6: 6-11

6 Laho ma ho, ale sigurbak ulu marsiajar tu porhis, parateatehon ma angka dalanna, asa marbisuk ho!

7 Nang so adong di ibana induk manang partogi manang pangarajai.

8 Sai dipadiri do bohalna di partaonan logo ni ari, dipapungupungu do sipanganonna di hamamasa ni gotilon.

9 Sadia leleng on modommodom ho, ale sigurbak ulu? Sadihari pe ho hehe sian podomanmon?

10 Otiknari modom, otiknari mondokondok, otiknari mangunsimpu tangan, laos peak modom, nimmu.

11 Jadi ro ma hapogosonmu songon halak panamun, jala haraparonmu songon halak parlombulombu.

Sahorong do buku poda on, dohot buku Job, Parjamita (Pengkhotbah) dohot Psalm. Na digoari buku HIKMAT. Buku Habisuhon.

Di buku poda on, marisihon angka poda na praktis naporlu dingolu siganupari. Poda na gabe petunjuk kehidupan. Podai dipasahat marrumang gambaran manang dalam bentuk tudosan. Alani i do mabahen digoari buku on, Poda, Amsal, tuduson manang gombaran.

Marhite tudosan manang gambaran i, manogu jolma i asa boi mamillit dalan na dumenggan dingluna. Poda on, sasingtongna manogu hajolmaon asa mangolu dibagasan biar mida Jahowa. Di buku Poda on diondolhon, ia mual ni hapistaran, habisukon, i ma biar mida Jahowa. Jala digambarhon i do, paboa angka na bisuk do mabiar mida Jahowa.

Jala secara khusus di turpuk on mamodai angka na losok, asa marguru tu parhis. Asa marbisuk angka na losok i, ingkon marguru do tu porhis domu tusi ma na naeng soarahonon ni jamita on: ngolu ni angka na bisuk:

Parjolo: Paholong diri sian hapogoson.

Dipatorang turpuk on parasingan ni ngolu ni na bisuk sian ngolu ni na hurang bisuk. Tondi do ngoluni na bisuk. Tondi do ngoluni na bisuk dohot na hurang bisuk. Tanda ni na bisuk, i ma ringgas mula ula on, jala mangargahon tingki. I ma na losok situtu. Mangolu dihalosohon. Ndang marngargahon tingki.

Didok poda ni Raja Salomo: angka na marlangge lange, mangolu ma i dihapogoson. Ala i angka na ringgas mangula mamangke tingki, mangolu ma ibana di hamoraon. Domu tusi ma, turpuk on, manogu hajolmaon asa marsiajar tu porhis. Na ringgas mangula na mamangke tingki, asa unang madabu tu hapogoson. Ai dihorhon halosohon i do hapogoson.

Hamu angka dongan

Ndang tarjalo hakristenan, turpuk manang bagian do hapogoson. Ndang adong di hakristenan turpuk. Ndang takdir hapogoson. Ganup jolma do boi merobah keadaan ni ngolu na, hombar tu pangoloion na di Debata, hombar tu usaha pinatupana jala dipasupasu Debata. Sude do jolma boi MEROBAH, manang PATURE ngoluna, marhite haringgasanna mangula.

I do mambahen sude tugas ni huria dohot halak Kristen i ma:

- memerangi kemiskinan

- mangalo hapogoson

- dohot mengejar kecemerlangan

- berjerih, berjuang, memperbaiki kehidupan asa lam dumenggan ngolu.

I do mambahen tugasta do melakuhon pemberdayaan ekonomi, asa adong kesejahteraan. Sasingtongna, ndang adong di kamus ni hakristenan PENGANGGURAN, ala adong di BIBEL i mamenganggur kecuali na marsahit manang na martihas.

Hape na martihas pe nuaeng di zaman on nunga godang pe produktif, menghasilkan na ringkot dingoluna, jala boi denggan karejo na. Sasingtong na, dilehon Debata do hatauon, hapistaran, kemampuan, hahipason dohot hagogoon di jolma i asa boi mangula jala boi mangolu denggan.

Sian panompaon i pe patuduhon, jala ditompa Debata do nasa na adong, dung i ditompa ma jolma i dung jolo lengkap diparade Debata na sa na adong di tano on, na ringkot di jolma i. Alani i, holan na mambuat nama, holan na mengelolah nama, holan na melipatgandakan nama, holan na mambahen asa lebih dumenggan nama jolma i, ai nunga rade sude diparade Debata. Ndang adong na hurang di jolma i, KEMAMPUAN asa dapotan ngolu.

Jala memang, ndang holan hapogoson materi ni dok ni turpuk on, dohot do hapogoson moral, parange dohot hapogoson di semangat hidup semangat berjuang berani berkeringat berkarya berprakarsa.

Tumagon do na hundul hundul sian na modom modom, tumagon do na mardalan dalan sian na hundul hundul, ala i mardalan dalan tumagon do na mangula.

Paduahon :

Ngolu ni na bisuk, marsiajar sian na tinompa ni Debata. Asa tubu haringgasan mangula, disuru marsiajar tu porhis. Gari porhis, disorihon do masa depan. Jala jelas do angka tugas na be,

- Molo Ratu, tugasna markembangbiak dao do i dibagasan sarang na.

- Adong do penjaga, di pintu ni sarang na do i, manjaga angka gangguan na ro.

- Jala diparade do sipanganon na, jala dilului. Molo dapot diboan ma tu sorang na.

Aut sura tabilangi, adong do manang na piga na boi tadaftar taringot tu porhis i.

Parjolo: Semangat Kerja Tinggi

Molo tapamana porhis, ndang hea so. Torus mardalan patuduhon mobilitas tinggi, semangat kerja tinggi. Ndang ditanda loja, torus mangula. Ndang botoan sadihari, istirahat manang modom porhis.

Napaduahon: Timbo Kerjasamana.

Molo dapotan porhis, isara sisani sipanganon, pintor rap manarat do sude. Metmet do porhis, alai boi do disarat na balga ala kerjasama. Jala, huroha masipaboaon do porhis molo dapotan, ndang dipasip, pintor torop do porhis di sada inganan, molo dung adong dapot disi paruntungan.

Masipaboaon do porhis, tartuhuk do ulaon na balga jala borat, molo kerjasama, masiurupan, gotong royong, marsiurupan manang marsiadopari.

Patoluhon: Bekerja Tanpa Diawasi

Mangula do porhisi, nang pe so adong mandor, nang pe so adong pengawas, nang pe ndang maratasan i. Sude mangula be, ndang pola diatur atur, jala masitopot ulaon na be.

Paopathon: masihormatan, masitabian do molo pajumpang. Jala ndang tabrakan, rap mardalan, alai masitabian, hira na masihormatan, adong komunikasi, nang pe sibuk, alai tong masitabian.

Palimahon: Mempersiapkan Masa Depan.

Molo logo ari, kesempaan na denggan do i di porhis, menabung, papungu sipanganon asa adong panganon na di ari udan.

Molo ar udan, ndang hurangan be, ala nunga rade bohal na. Molo do porhis pahombar ngoluna tu partingkian, tu lasni ari, dohot tu ari udan. Molo do porhis menyesuaikan diri tu alam sekitar, tu lingkungan.

Naeng songoni ma jolma i, molo pahombar ngoluna tu tantangan alam, tantangan zaman asa tong boi denggan ngoluna, asa tong boi mangan dohot minum jala denggan ngolu. Molo mamangke tingki jala ringgas mangula ulaon. Nuaeng pesta pembangunan: tatumpahi ma, ndang ndang raja David di loas Debata, raja Salomo do pajongjong bagas joro.

Martua do hita ala diloas Debata, dohot pajongjong gedung Singkola Minggu on.

Amen.