Mateus 5:13-16

= Sahat tabe ….

Nunga huran lobi 150 taon hita naung jongjong gabe 1 huria, I ma: Huria Kristen Batak Protestan. Dipillit Debata hita gabe bangsoNa, gabe ula-ulana, pajongjonghon harajaonNa di portibi on. Ndada holan di Tano Batak be hita, alai nunga marserak, gariada sahat tu sandok portibi on.

Tudia borhat halak Batak, sai dipajongjong do gareja na. tudia borhat halak Batak, sai pintor dipillit do sian tonga-tonga nasida, na boi gabe sintuaNa, manghobasi angka ulaon di huria dohot na humaliang.

Ingkon bangga do hita songon halak Batak, mauliate ma dipillit hita gabe angka na porsea. Mauliate ma di Debata.

Turpuk on patubegehon tu hita, aha do tanggungjawabta. Turpuk on, patangkas hajongjonganta di tonga-tonga ni portibi on.

Aha ma I ?

1. Hamu do SIRA ni tano on.
2. Hamu do PANONDANG ni portibi on.
3. Asa di ida halak pambahenan muna na denggan I, asa dipuji Debata.

Nuaeng sahat ma hata on tu hita di HKBP Batam, Lubuk Baja on. Dipillit Debata HKBP gabe SIRA/panondang. Hamu do Sira, jala hamu do Panondang.

Sai dipuji torop jolma ma Debata ala denggan ni pambahenan muna. Ndang pola godang taringtanta taringot tu Sira dohot Panondang. Na pasti: marguna ibana tu na humalian, membangun mutu/kualitas, merobah keadaan, gabe dumenggan.

Alani I, dohonon na, Sira dohot Panondang mamboan na marguna tu na humaliang. Marguna ibana tu na humaliangna. Berpengaruh ibana tu na humaliang.

Di Sidang Raya DGD bulan Februari na salpu di Porto Allegre, Brazil, adong do 2 hata na mansai tangkas sai tarbege di angka rapot:
1. Gereja untuk orang lain (church for others)
2. Gereja yang ramah (Hospital church)

On do hajongjongan ni huria untuk orang lain dan bersahabat.

Hamu angka dongan sahaporseaon
Huria na matoras I ma huria na marguna, ndada holan tu dirina sandiri. Ala i huria na matoras i ma, huria na marhobas, ndada holan di pargodungan sambing. Ala i huria na matoras i ma, dohot manghobasi di humaliang na. Na parpudi on, lam torop do hurianta:
- Pajongjong Pusat pelayanan kesehatan, gabe boi ro marubat tusi angka masyarakat sekitar, ndada holan ruas HKBP, alai dohot do angka parugama na asing.
- Lam torop nang na pajongjong koperasi marhite angka CU, gabe boi torop jolma na humaliang manghilalahon pangurupion. Gabe marhite i nasida gabe sira dohot panondang tu angka na pogos na terpaksa meminjam sian rentenir. Lamtorop patupa pelayanan pembelaan tu Buruh, pajongjong Taman Kanak-Kanak.

Ai marhite i do, lam tangkas di hilala jolma,
- Na tongan ni Debata do huria mangurupi angka na gale.
- Na simalolong ni Debata do huria marnida angka na masa di tano on.
- Na sipareon ni Debata do huria, manangihon angguk-angguk, dohot parungkilon ni jolma.
- Na ula-ula ni Debata do huria, membangun moral dohot parange na denggan.

Soara ni Debata do nang angka i tu hita:
Molo adong Tsunami
Molo adong gempa
Mansai godang ma korban, ndada holan na mandok asa marsiurupan dohot masitumpahon, ala i dohot do i, mamangkulingi hita, asa lam tapajonok tu debata.

Jala asa lam tahilala, na ditanganni Debata do nasa na adong di tano on. Na soguru di Ibana do na tinompa Nai. Lam mamanghulingi hita do i, asa lam ta hilala jala lam tapatudu: aha do na boi bahenonta tu na humaliang hita, tu angka na patut siurupanta.

Ingkon dapotan laba do angka jolma na di humaliang hita, marhite panghobasionta songon huria. Ingkon lam torop do mandai denggan ni panghobasionta songon huria. I do na tahobasi, molo dohot hita mangurupi donganta na di:
- Aceh ala Tsunami
- Nias ala gempa
- Dohot na di Yogya
- Nang na di Pangandarai ala Tsunami.

Na tahobasi ndada holan donganta sahaporseaon alai dohot do nang donganta sabangso. Dapotan las ni roha torop halak ala panghobasion nasida. Gabe torop halak mamuji Debata ala ulaon nasida. Gabe torop halak mandok mauliate tu Debata, ala nasida. Boha ma hita mangulahon i?

I ma ringkot ni pargodungan, kompleks gareja, gabe Pusat Panghobasion, Pusat inspirasi, Pusat motivasi diangka pelayanan, jala Parhalado gabe: Penggerak gabe inisiator pelayanan asa gabe sira dohot panondang huria on, tu na humaliangna. Ndang hita gabe sira dohot panondang. Ia so adong hasadaon dohot parsitutu on laho mangula, marhobas.

Angka i ma momentum, na boi pangkeonta patuduhon na hita do sira/panondang ni tano on.

Hamu angka dongan
Adong do 2 halak parompuan, na tarbarita di sejarah modern ni hajolma on jala ndang adong dope tandinganna:
1) Inanta on, nunga matua:
Mother Theresia
- Papungu na marsahit
- Na so mardihadiha
- Naung marpeahan di pinggir dalan
- Naso adong jabuna.
Angka i ma di hobasi dipapungu jala diradoti’

2) Poso dope, glamour
Lady diana
Manjumpangi negarawan, politisi diportibi on, asa mangurupi angka halak na marsahit Lepra. – nahuliton –

Ndang adong be nasida na dua nuaeng, alai ngolu na marguna tu na humaliang, ngoluna, patupahon angka na marguna tu halak na asing.

Sadari on marpesta hita, pesta parheheon ni Naposo Bulung,
- Jotjotan marutang do huria tu angka Naposo Bulung.
- Mauliate ma di huria on, na pahehe panghobasion tu NHKBP.
- Tanpa pemuda, hidup gareja tidak akan semarak. Karena dimana ada pemuda, disana ada dinamika. Dimana ada pemuda, disana ada pembaharuan.
- Ala i boi do pemuda/NHKBP gabe pelopor jala penggerak di angka pelayanan.

Alai lobi sian i, mansai ringkot do hita manogu-nogu sundut naumposo, asa margogo nasida mangadopi angka na masa di ngolu nasida siganup ari.

Lumobi dipillit nasida thema ni parheheon on sian 1 Tessalonika 5:21, ujilah segala sesuatu dan peganglah yang baik. Tangkas i hamu ma saluhutna na denggan i ma tiop hamu.

Pasiding hamu ma nasa rumang ni na roa. Diparbadia Debata ma hamu gabe sun denggan, jala diramoti ma tondi, roha, nang dagingmuna. Debata na masumasu hita sude. Dakdanak, natoras/guru, pengusaha, na marsatu, namarsahit, namatua.

Amin.