NATAL
( JESAYA 52 : 7 - 10 )
Hamu angka dongan hinaholongan ni Tuhanta
Jesus! Selamat Ari Natal ma di hita. Nuaeng husungkun ma jolo hamu:
boha, las do rohamuna na marnatal taon on? Apakah natal tahun ini
benar-benar mengubah hidupmu menjadi hidup yang penuh sukacita?
Seharusnya, harus demikian. Songon nidok ni amanta Paus Benedictus XVI
piga taon na salpu mandok: Di perayaan natal, yang utama adalah
kegembiraan, bukan bingkisan Natal, bukan baju natal, bukan acara natal.
Karena “Kegembiraan adalah obat penangkal sakitnya masyarakat". Karena
hidup kita penuh dengan tangisan, penderitaan dan kesakitan. Tetapi di
hari Natal, semuanya itu harus tersingkir. Karena itulah Saudaraku!
Natal adalah pesta kegembiraan. Natal ingkon mangalehon di hita las ni
roha na sabalga-balgana.
Boasa? Ala adong na tubu!. Memang,
hasosorang ni sahalak posoposo sai mamboan las ni roha do i. Tarlobi di
keluarga naung leleng paimaimahon, manang anak pertama, manang pahompu
sian anak siangkangan. Boha, hasosorang ni dakdanak na songon i do
tahalashon? Ndang! Andul sian i do. Molo tung sumalin las ni rohanta ala
ni i, tung so sadia dope i martimbanghon na sada on. Dia ma i? Ima
hatutubu ni Sipalua, ima Tuhanta Jesus. Ibana ma Debata na olo gabe
jolma, jala maringanan di tongatonga ni hita on, Immanuel. Debata ro tu
tongatonganta.
I do nang barita las ni roha di turpuk naung
hujaha nangkin. Tongon do uju i Israel di habuangan ala ni dosa nasida.
Mansai dangol, panghilalaan nasida, hira na so adong be sihirimon,
hampir putus asa. Ai nunga talu nasida, jala di toru huaso ni bangso
parbegu, na so marsunat. Pangantusion uju i, molo talu sada bangso,
nunga talu nang Debata nasida ala gumogo debata ni na manaluhon i. I do
ma kekalahan dohot hahansiton dohot ila na umbalga, molo talu Debata
niba, manang molo ndang olo be Debata rap dohot bangsoNa. I do didok
nasida di Psalmen 42:4+11 Sai iluilungku do sipanganonku arian dohot
borngin, ai manipat ari do dipandok tu ahu: Didia do Debatam? (Psalm 79,
10). Tung hira naung di toru ni hagolapon na marimpotimpot. Tung mansai
hansit. I ma ala ni dosa nasida. Ala ni i ma sai tapadao angka dosa
unang hona uhum na hansit hita songon Israel on.
Alai tompu, sian
dolok na timbo na paadopadop tu Jerusalem, ro ma soara na lam leleng
lam gogo. Adong na joujou paboahon barita nauli. Didok:
1.
Debatam bangkit Raja (ay. 17c); sian mulana pe, tanom do di roha ni
Israel, na Debata do Raja nasida (theokrasi). Jolma, na gabe raja
nasida, dihaporseai do i "wakil" ni Debata laho mamarenta, mangalehon
hadumaon, keamanan, ketertiban di nasida. Hira na so adong do nasida
molo so adong raja. Alai nuaeng, nunga ro Debata, olo muse gabe Raja
nasida. Wah, songon na mulak tondi tu badan, ninna halak Batak. Umbalga
do i sian suami kembali ke pangkuan isteri, sian anakkon na "sesat"
mulak tu dalan na sintong. Bila Allah menjadi Raja mereka, maka
keamanan, kesejahteraan, kedamaian dan syalom mereka akan terjamin
2.
Nunga mulak Jahowa tu Sion (ay. 8). Jotjot do i disimbolhon tu Poti
Parpadanan i. Molo di tongatonga nasida poti i, pasti Debata di pihak
nasida. Asa lapatan ni hata on, nuaeng Debata mulak muse berpihak tu
nasida, gabe Panglima nasida.
3. Nunga marpangulahi roha ni
Jahowa mida bangsoNa (ay. 9). Dosa nasida na mansai balga do mambahen
tarbuang nasida. Saleleng mian dope dosa i di nasida, saleleleng i ma
uhum i mandondoni nasida. Alai, nuaeng, nunga marpangulahi roha ni
Jahowa. Nunga rade Debata manghalupahon dosa nasida. Alai taingot, ndang
ala ni hadengganon ni bangso i. Holan ala ni asi ni roha (anugerah,
grace) ni Debata nionjar ni holongNa do.
4. Nunga dipalua Debata
Jerusalem (ay. 9), jala dipatudu Debata hagogoonNa manaluhon bangso
parbegu na manaban Israel (ay. 10). Nunga dibuka Debata tanganNa sian
lipatan ni bajuna, mulai ma karejo, bertindak manaluhon angka musu ni
Israel, mangusir sian Jerusalem sude halak na so marsunat, na so bangso
ni Debata.
Luar biasa, ate!. Boi do dibayangkon hamu aha ma na
masa di pangsi ni Jerusalem umbege soara i? Pasti, angka naung peak hian
ala manderse, na martungkolisang hian ala marsak, naung murhing hian
ala lomos - pasti pintor mirjahirjak, manortori, (ra molo nuaeng on,
adong na berteriak histeris) ala las ni roha na sumalin i. I do ala
didok di ayat 7: Lehetna i di atas ni angka dolok angka pat ni parbarita
na uli, betapa indahnya. betapa eloknya - how beautiful. Ndada na
biasa-biasa alai patuduhon hal na luar biasa. I ma na mangonjar bangso i
pangiar soarana marolopolop (ay. 8+9), sude parhal nasida pe
marsuraksurak.
Hamu angka dongan! Tabona i ate! Alai, ingkon
umbalga sian i dope las ni rohanta di pesta Natal on. Ai nasinurirangkon
ni Debata di turpuk on, i do pinasaut ni Debata di hatutubu ni Tuhanta
Jesus. Ala ni i ma, di peristiwa Natal di Betlehem, ro do parbarita
nauli ima angka surusuruan na sian banuaginjang, paboahon: Unang mabiar
hamu; ai barita halalas ni roha godang do huboan tu hamuna, parsaulian
ni sandok bangso i. Ai naung tubu do di hamu saborngin on, di huta ni si
Daud, Sipalua i, i ma Kristus, Tuhan i! On ma partinandaan di hamu:
Posoposo do dapotonmuna, na binorhos peak di panggagatan. (Luk. 2,
10-12). Asa, hatutubu ni Jesus ndang dos i dohot hatutubu ni angka
anakkon manang pahompunta. Barita binoan ni surusuruan i botulbotul
barita na mansai uli, yang sangat elok, na mambahen las roha ni sandok
portibi on. I do ala songon i nang las ni roha ni angka surusuruan
pardisurgo, di na marende nasida di natal na parjolo i, songon na
tarsurat di Lukas 2, 13-14 i: Jala tompu ma adong dongan ni surusuruan i
torop angka parangan parbanua ginjang, dipuji nasida do Debata, mandok:
Hasangapon ma di Debata di ginjang, dame ma di tano on, di angka jolma
halomoan i. Songon i nang angka parmahan pe, didok: Mulak do angka
parmahan i, dipasangap jala dipapujipuji do Debata ala ni sasude na
binege jala na niidanasida, songon naung dihatahon i tu nasida (Luk. 2,
23)
Dia ma huroha las ni rohanta di hatutubu ni Tuhan Jesus?
1.
Hatutubu ni Jesus, i ma bukti paboa Debata olo maringan di
tongatonganta. Songon nidok ni Epistel nangkin: Hata i naung gabe daging
jala mian ditongatonga ni hita on. I do ala dilehon goarNa, Immanuel,
Debata rap dohot hita, maringan, marjabu, sapanghilalaan, bersolidaritas
dohot hita. Na rumingkot tahe, Debata berpihak tu hita, olo mangurupi
hita, olo manghilala panghilalaanta. Marsak pe ho manang marlas ni roha,
dihilala do. Marungkil ho manang marlas ni roha, di lambungmu do Ibana.
Marsitaonon ho manang mangadopi na maol, rade do Ibana manuhuk
sitaononmi. Marhite hatutubu ni Jesus, kita mempunyai sahabat, dongan
rap tangis di na hansit, rap mengkel di las ni roha, rap tu dolok dohot
tu toruan. Gariada tahe, olo mian di bagasan ho, jala ho dipamasuk tu
bagasan Ibana, asa hita dibagasan Ibana jala Ibana di bagasan hita.
Enak, tenannnn! Sodapna i ate. Boha, adong dope sihabiaranmu? Ai molo
dung Debata donganmu, ise be alom (Rom 8, 31)
2. Alai na
rumingkot, dung tubu Jesus i, rade ma di hita hasesaan ni dosa. Ai ndang
holan tubu Ibana, manang torus gabe posoposo. Alai, diseahon do muse
diriNa tu silang di Golgata. MudarNa na durus i ma parade hasesaan ni
dosa di sandok portibi on. Manang ise na olo manjalo jala porsea di
Tuhan Jesus, na olo manopoti dosana, pasti, rade do Jesus manesa sudena
i, manang songon dia pe balga ni dosam (1 Joh. 1, 9). I do nian ingkon
sude hita ringgas hita mandohoti Ulaon Nabadia. Ai disi ma dilehon
jaminan di hita: Pos roham, nunga sesa saluhut dosam. Enak, tenannnn!
Sodapna i na mar Tuhan i ate. Rugi ma halak na so mangantusi i. Itu
berita sukacita: Tuhan mengasihimu, dan berkenan menghapuskan dosamu
melalui Tuhan Yesus; asal olo ho porsea.
3. Jesus ma gabe
Panglimanta, jala olo marporang humophop hita laho manaluhon huaso ni
dosa, sibolis dohot hamatean, naung leleng menguasai jolma dohot portibi
on. Nunga hira huaso na so taralo hian be hamatean dohot sibolis i.
Alai, di na ro Jesus, dipungka Debata ma tahapan penaklukan selamanya
(pamatehon ro di salelenglelengna) huaso ni sibolis, dosa dohot hamatean
i, ima marhite haheheonNa. Marhite hatutubu ni Jesus rade ma di hita
Panglima (Pangulu) na mampu manaluhon huaso ni dosa dohot hamatean..
Ala
ni i, hamu angka dongan, ingkon sude ma hita marolopolop, mariaia,
marlas ni roha, martopaptopap, marhujinjang, manortor na marpesta Natal
on. Alai, unang ma ala ni na marpocopoco manang marmaumere, alai tutu
situtu ma ala naung taantusi las roha binoan ni hatutubu ni Tuhan Jesus
i.
Hamu angka dongan! Ulina i tutu barita hatutubu ni Tuhanta
Jesus i. Ala ni i, atik tung adong sian hita nuaeng na tongon songon
bangso Israel i, na marsak, na margudompong, na lomos jala na bobos, na
mengalami keragu-raguan. Nuaeng, nunga ro barita nauli sian
banuaginjang: Unang mabiar, marlas ni roha ma, ai nunga tubu Raja
Sipalua ho. Jalo ma Ibana, haporseai, haposi, pangasahon. Dia adalah
Allah yang sangat diandalkan, yang mau membantumu, mambuat arsakmu,
patoguhon roham. Las ma roham. 8
Manang atik beha adong sian hita
na sai holan dosa diula na saleleng na on, ala olo mangalehon dirina
dihuasoi dosa, sibolis, hagiot ni portibi on. Molo dison do hamu nuaeng,
tangihon jala jangkon hamu ma barita las ni roha on: Nunga ro Sipalua
di ho, na olo manesa dosam, asal olo ho pauba roha jala manopoti dosam.
BuatonNa jala ambolongkononNa do sude dosa na pasorathon ho, na mambahen
ho humasusa. Jangkon ma Ibana asa ias ho, jala badia.
Hamu angka dongan! Mansai godang do angka barita kekerasan, pembunuhan dohot barita na roa na sai tapabegebege ganup ari, na mambahen hita mabiar jala marsak. Alai saonari, tatarehon ma pinggolta tu Barita Nauli taringot tu haluaon naung ro dibagasan Tuhan Jesus.. Andul tumabo do molo gumodang tingkinta umbege i. Ai sian na tumangihon do ro haporseaon (Rom 10, 17).
Alai hamu angka dongan! Ndang boi holan di hita. Di ay. 7 na
dikutip si Paulus di Rom 10, 15- 16 manosohon, asa olo hita pararathon
asa sahat barita nauli i tu halak na asing. Tarlobi tu angka na marsak,
na nidondonan ni sitaonon, naniihot ni dosa dohot sibolis, angka na
raguragu, angka na putus asa, na di haholomon, tung dipaimaima, tung
ringkot di nasida barita las ni roha i. Baritahon ma i tu nasida. Asa
dohot nasida marlas ni roha. Ala ni i nian, di pesta natal on gumodang
ma hita ma hita mambahen aksi solidaritas, dalanta paboahon barita las
ni roha hatutubu ni Sipalua i tu angka donganta nangkin, asa sude jolma
marlas ni roha manjalo Tuhan Jesus Sipalua i. Tung dipaima Debata do ho.
Dipaima halak na asing do ho, asa sahat barita las ni roha binoan ni
Jesus i tu nasida. Jala, molo olo ho, lehetna i, betapa indahnya
haoloonmi. Amen.
No comments:
Post a Comment