HEHE MA HAMU ( PSALMEN 96:1-9 )

HEHE MA HAMU

PSALMEN 96:1-9

 

Hamu angka dongan dongan hinaholongan ni Pasti diboto hamu do lagu" O Tao Toba, raja ni sudena tao, tao na sumurung, na lumobi ulimi. Molo huida, rupami sian na dao, tudos tu intan do denggan jala uli...." Laos songon i lagu "Ibu kita Kartini: Ibu kita Kartini, putri sejati, putri Indonesia, harum namanya....". Ima angka ende na mengagungkan haulion ni sada inganan (Tao Toba) dohot sahalak jolma (Kartini). Alai nuaeng na patut pahusorhusoronta ima: Molo songon i hebatta mengangungkan hinauli ni sada tao, dohot kehebatan ni sahalak jolma, bnoha do hita ia mengagungkan Debatanta? (Memang patut do sungkunonta rasa hormat-ta na mar-Debata on. Ai molo tarlambat hita ro tu bioskop, nunga tung sogo rohanta ala ndang tatonton be film i di mulana. Tetapi, kita tidak merasa apa-apa/ tidak merasa bersalah apapun, bila kita terlambat memasuki ruangan ibadah minggu, walau kita sudah tidak turut lagi dalam liturgi: Marhitehite goar ni Debata Ama, Anak dohot Tondi Parbadia dohot Manjaha Patik, bukan? Atau, ketika kita menonton film/ konser, kita merasa wajib mematikan handphone. Tetapi mengapa masih banyak orang, ketika mendengar kotbah, ketika Tuhan berfirman justru kita membuka handphone untuk chating dan browsing. Tapahusorhusor ma i ate).

Tuhanta Jesus!

I do nuaeng joujou ni turpuk on asa mamuji, mengagungkan Debata. Adong manang piga hata didok na ingkon sibahenonta: Endehon ende na imbaru di Jahowa, puji hamu goarNa, baritahon, pajojor angka nabinahenNa, sai lehon hamu hamuliaon dohot hagogoon (ay. 7), marsomba ma hamu.

1. Aha do ende na imbaru? Ima ende na niendehon dibagasan panghangoluhonon na imbaru (Nyanyian yang dinyanyikan dengan penghayatan baru). Nunga ende naung mansai leleng ende "Na sonang do hita na dua". Alai gabe ende na imbaru do i saonari (manang di malam minggu na bodari), molo diendehon angka halak na sedang jatuh cinta manang dilanda asmara. Hita pe, disuru mangen-dehon ende na imbaru di Jahowa. Boha ma i bahenonta? Ima molo taendehon sada ende di Jahowa, na gubahan lama, naung adong di buku ende manang koor-ta, alai sian nasa roha, dengan penghayatan penuh, ala tahilala nanidok ni ende i saonari. Tabehen contoh, BE. no. 12: "Dipuji rohangkon do Ho, Jahowa Tuhanki Huboto Ho do mual ni na denggan sasude Ai aha ma adong hian, di hami na lea Tapanghilalahon ma i tu dirinta. "Ai aha hian do au ai anak ni partani do au so adong hepeng ni bapaku pasikola-hon au ... mangan 3 hali sadari pe so boi. Alai, nuaeng, nunga dibahen boi au marjabu, boi pasikolahon anakkonhu, boi hidup lebih layak. Penghayatan na songon i ma mambahen ende i gabe ende na imbaru. (Laho menghayati na songon i, memang adong do dengganna molo taendehon sude ayatna i. Boasa? Asa taboto sude "pesan" / nanidok ni ende i. Songon ende nangkin, nomor 12. Lam tangkas do tahilala nidok ni ende i molo taendehon sahat tu ayat 15)

2. Tontu, ende na imbaru haruar sian kesadaran, pengakuan dohot kekaguman di sude nabinahen ni Debata di ngolunta do. Tanpa kekaguman akan perbuatan Tuhan, sangat sulit, bahkan mustahil bisa melahirkan pujian atau nyanyian baru. Ala ni i, asa tubu kekaguman (pengaholanghonon) i, aha ma sibahenonta? Ima, molo olo hita burju mamilang-milangi sude nabinahen ni Debata di ngolunta. KJ. No. 439 mandok: Berkat Tuhan mari hitunglah, kau 'kan kagum oleh kasihNya. Manang BE. 569 "O Debata tung longan do rohangku, manang "Amazing Grace". Etongi sude nabinhen ni Debata, lam longang ma ho, lam hebat ma pangendehononmu, lam imbaru ma endemi. Holan i tutu, didok Karen Amstrong, boi do lam moru halak na olo marsomba (dohot mangendehon) tu Debata tu abad na naeng ro. Boasa? Ai ala ni hamajuon na dapot ni jolma nuaeng dohot tu tingki na ro, dihilala jolma on ma, naung boi sude ulaonna, so pola be mangharingkothon Debata. Ala ni i, ndang adong be kekaguman tu Debata. Molo mago kekaguman, mago do parsombaon dohot pamujion i. Ala ni i, taajari ma anakkonta dohot pinomparta asa torus manghalonganghon sude nabinahen ni Debata, asa gabe halak na mengagumi Debata nasida, asa gabe sisomba Debata nasida.

3. Jala taingot ma, sada kehormatan do dilehon Debata tu hita laho mangendehon ende pujipujian di Ibana. Ai taingot ma, molo taendehon Jahowa ndada asa burju Debata tu hita, alai ala naung burju do, sebab Tuhan itu baik (Angka sipelebegu do songon i, na mambahen angka na denggan tu debatana, tu sumangot ni ompuna, asa burjuburju jala mamasumasu angka i)

4. Jala ndang holan hita, ingkon sude na tinompa (termasuk sude na marhosa) ingkon mamuji Debata. Boasa? Ala sudena i natinompa ni Debata do. Jala sudena i naung mandai haburjuon, dengganbasa ni Debata na paloashon nasdia gabe adong. Uju poso dope iba, somal do mardalani tu Dolok Tolong (Balige). Molo di tongatonga ni hutan pinus i hita, disi ma begeonta "marende” do nasida, tingki mangullus alogo i. Mansai uli jala mansai hona do i tu panghilalaan, nang pe so boi surathonon nada-nada ni ende ni harangan i. Alai marende do sude nasida. Songon i nang angka pidong di manogot ni ari.

5. Alai na mangihut, adong dope didok siulaon, ima: baritahon (Ibr. Basar: kabarkan, to announce, to publish, mempublikasikan), pajojor (Ibr. Caphar: menceritakan, paboaboahon, to count, menghitung, to declare mendeklarasikan, memasyhurkan). Sai dipaboaboa Kementerian Parawisata do haulion ni Bali tu sandok portibi on. Boasa? Asa olo angka turis sian negara na asing ro. Songon i ma hita ingkon paboaboahon Debata tu sude jolma. Alai, boha ma asa ringgas hita paboaboahon? Mulak do tu naung tahatai nangkin, ingkon adong kekaguman. Molo kagum au manjaha sada buku ala mansai denggan isina jala marguna, sai olo do au paboaboahon buku i tu dongan. Asa olo dohot nasida manjahasa. I do binahen ni huria Tessalonika di Epistel nangkin di ay. 8, didok: "Ai sian hamu do marlupuk hata ni Tuhan i, ndada holan tu luat Makedonia dohot Akaya; tung tu saluhut luat do tarbarita haporseaonmuna di Debata" Molo nuaeng, di zaman ni Whatsapp on, mansai populer do hata: Share (natuatua pe nunga dibot mandok: dishare fotonta i di grupta da!). Asa sude manjaha dohot mamerengsa. Kekaguman kita kepada Allah dan perbuatan Allah akan secara otomatis mendorong kita memberitakan, membagikan (paboaboahon,) mempublikasikan itu ke semua orang. Ala ni i, sungkunsungkun sipahusorhusoronta ima: Molo bangkol dope roham, malas, manang ndang giot dope roham paboaboahon Tuhan Jesus i tu halak na asing, aha do na mambahen i? Atik do na so hea dope, manang na so hea be takagumi, tahalongangkon pambahenan ni Jesus i di ngolunta? Tasungkun ma dirinta, ate! Tetapi pengalaman perjumpaan pribadi dengan Tuhan setiap hari, itu yang akan membangun kekaguman kita kepada Tuhan. Pengalaman pribadi itu kita rasakan dan peroleh ketika kita memiliki hubungan yang intim (parsaoran na rosu) dengan Tuhan kita. Biasanya sangat cepat kita peroleh dan rasakan ketika kita memberikan waktu teduh, bermeditasi, martangiang na hohom paduadua dohot Debata.

6. Nuaeng, angka dia ma huroha sihalonganghononta sian Debatanta i asa ringgas hita mangendehon ende na imbaru jala ringgas paboaboahon Debatanta i tu sude jolma? Tasigati ma turpuk on:

a. Parjolo di ay. 2 b, ima: hatuaonNa (keselamatan yang dari padaNya). Di hata Heberna, dipake hata: yoshuwa'ah, na marlapan: haluaon, keselamatan, kemenangan, pertolongan, prosperity/ kemakmuran, welfarel kesejahteraan, dohot kebahagiaan. Boha, molo boi hita mangan, marjabu, marabit, pasikolahon ianakkon, nda sian Debata do i? Boha do panghalonganghononta disi? Ra hea do hita malua sian parmaraan, sahit, keadaan na terjepit manang na kritis. Boha do panghalonganghononta disi? Alai na umbalga, boha, hea do tahalonganghon haluaon naung binoan ni Tuhanta Jesus? Ibana, Anak ni Debata na olo gabe jolma, olo mate tarsilang mangalehon daging dohot hosaNa laho manggontihon hita, manuhuk dosanta dohot laho manobus hita? Jala nunga diparade di hita hangoluan na manongtong? Hape ise ma hita nian. I do ala tung dihalonganghon si John Newton i marhite ende nanigubahna: Amazing Grace. Di ende i didok ibana: That saved a wrecth (sampah) like me. Kasih yang mengagumkan dari Tuhan yang menyelamatkan sampah seperti saya ini. Kita ini adalah sampah karena dosa kita. Tetapi Yesus mau menyelamatkan kita. Dan itu dengan gratis. Boha, dohot do hita manghalonganghon i? (Unang tarsinggung hamu: Taingot ma jolo angka tangiangta be. Memang jotjot do tamulai do: Mauliate ma di Ho Tuhan.. Alai, aha do na jotjot tahamauliatehon di tangiangta? Ima: ala hipas, ala diramoti, ala diparade sipanganon, ala dipataru tu gareja on.... Boha, hea do tatanginaghon: Mauliate Tuhan, ala naung diparade Ho di ahu haluaon, dohot hangoluan na so ra suda í. Mauliate di Ho o Jesus naung manghaholongi au marhite haholongon na badia?. Atik ala ni i do gabe hurang kekagumanta di Jesus i). Tahalonganghon ma haluaon naung binoan ni Jesus i.

b. Paduahon, ala Debatanta i do Debata na tutu, ianggo angka na asing i, ajiajian do i (ay. 4 5). Mereka itu hampa. Nunga terbukti i di zaman ni panurirang Elia (Tajaha ma 1 Rajaraja 18). Tung Debata pargogo ma so hatudosan do Debatanta i, sitompa saluhut (ay. 5). I do didok surusuruan i tu si Maria: Ai ndang adong na so tarpatupa Debata. Nunga taida nang di Jesus, na boi manaluhon huaso ni hamatean, sibolis dohot dosa, musuh utama jala musuh terakhir yang akan dikalahkan (1 Kor. 15, 26). Ianggo tarigot tuson ra ndang pola be ganjang patorangon. Ala ni i, molo adong dope ruas ni HKBP na olo marsomba tu begu, porsea tu datu pangulpuk, tu sumangot ni ompu, tu sombaon, tu benda keramat, tu ajimat, dll, i ma halak na ummoto di sandok portibi on. Boasa? Dia punya Allah yang luar biasa, kok mau tunduk dan percaya kepada "allah ecek-ecek"?. Tatiru ma huria Tessalonika songon nidokna di ay. 9 ni Epistel nangkin. Dung ditanda nasida Debata, pintor ditadingkon - sahali nari: ditadinghon, diambolongkon, dihalupahon nasida do angka ajiajian nasinomba nasida najolo. Ndang mulak tu utautana, santabi. Tung unang adong be hita gabe halak na oto na mulak tu utautana, ate! Holan Debatanta Jahowa i naung ro dibagasan Tuhan Jesus i ma tapuji, taihuthon, tahaporseai jala taendehon. Holan tu Ibana ma talehon hasangapon, hamuliaon dohot hagogoon (ay. 7-9)

7. Molo songon i do, boha ma sikapta molo ro tu jolo ni Debata? a. Parjolo, marsomba (schacah bow down ay. 9a), songon hatoban tu tuanna. Ala orbuk do hita di jolo ni Debata. Ala ni i mansai malengleng do ateate molo adong niida ro masuk tu gareja dengan keangkuhan, duduk seenaknya, bahkan marisap dope. Hea diingot hamu, ditegor amanta SBY, uju Presiden nasida, sahalak Gubernur ala mondohondok tingki rapat, ate! Ima ala ndang somba. Boha do ia hita di parmingguon?. Molo didok halak Batak: somba marhulahula, boha do hita ia tu Debata?

b. Paduahon, Ingkon marpahean na marhadohoan (berhiaskan kekudusan ay. 9b). Ingkon papulihonta ma tingkinta laho marsomba tu Debata. Unang ma lobilobi ni tingki., Nang rohanta pe, hibul ma, ala nunga tapapulik holan tu Debata. Unang be tu na asing. Takhususkan ma dirinta holan tu Debata. Yang lain harus disisihkan. -

c. Patoluhon, Angka hitir (gemetar) ala molo ro hita tu jolo ni Debata, na paadopadop dohot hamuliaon ni Debata do hita. Ingkon tatanda do dirinta songon si Jesaya na mandok: Na ramun do au (Jes 6, 5). Manang si Musa, na ingkon martabuni tu balik ni batu i asa unang mate ibana ala pajumpang dohot hamuliaon ni Debata. Boha do hita molo ro tu gareja on, adong dope na songon i?

d. Naparpudi, boan hamu ma silehonlehon (bawalah persembahan). Sekali lagi, kita membawa persembahan kepada Tuhan bukan sebagai sesajen agama-agama lain untuk membujuk hati tuhannya. Ai ndada ala na hurangan Debatanta i (Ul. Apostel 17, 25) Ndang! Alai, pelean hamauliateon do. Ai sian Debata do tajalo sude na adong di hita (Taingot: Ende peleanta i). Jala ndang asa adong dana di huria. Alai ala ni aha do? Ai Debata do mandok di 5 Musa 16, 16b: Janganlah ia menghadap hadirat TUHAN dengan tangan hampa (Kel. 34, 20b)

Antong, halonganghon ma sude na binahen ni Debata, tarlobi haluaon naung nilehon ni Tuhan Jesus sian asi ni rohaNa i di ho, asa ringgas ho mangendehon, mamuji, pasangaphon, paboaboahon, dohot mamboan peleanmu tu Debata.

Amen.