Rom 12 : 18
Molo tarbahen, intap na tarpatupa hamu, tiop hamu ma dame maradophon halak saluhutna!
2 Tesalonik 3 : 13
Alai anggo hamu, ale angka dongan, unang ma marnaloja hamu mambahen na denggan!
2 Timoteus 1 : 7
Ai dilehon Debata do tu hita tondi hagogoon, tondi haholongon, tondi pangarajaion diri, ndada tondi hatahuton.
Psalmen 1: 1
Martua ma halak, na so olo mangihuthon tahi ni angka parjahat, jala na so olo jongjong tu dalan ni angka pardosa, jala na so olo sahundulan dohot angka pangarehei.
Psalmen 1 : 2
Sai patik ni Jahowa do lomo ni rohana, jala sai i do dipingkiri rohana arian dohot borngin.
Psalmen 23 : 2
Dipatongon do ahu tu jampalan angka na lomak, ditogutogu do ahu di lambung aek hasonangan.
Psalmen 25 : 4
Ale Jahowa, sai pabotohon ma tu ahu angka dalanmu, jala ajarhon tu ahu angka bogasmu.
Poda 1 : 7
Biar mida Jahowa do parmulaan ni parbinotoan, alai anggo halak na oto manoisi hapistaran dohot pangajaran.
Mateus 5 : 3
Martua ma na pogos tondi, ai di nasida do harajaon banua ginjang i!
Psalmen 1 : 3
Songon hau do ibana, na sinuan di topi ni batang aek, na marparbuehon parbuena di hajujumpang ni tingkina bulungna pe ndang olo malos, jala sude na niulana manjadi do.
Johannes 13 : 34
Patik na imbaru ma hulehon tu hamu: Naeng ma masihaholongan hamu; songon holong ni rohangku di hamu, naeng ma songon i dohot hamu masihaholongan.
Psalmen 103 : 1
Puji ma Jahowa, ale tondingku, jala nasa rohangku di bagasan mamuji goarna na badia i.
Mateus 5 : 5
Martua ma na lambok roha, ai teanonnasida do tano on!
Rom 12 : 15
Marlas ni roha ma hamu rap dohot angka na marlas ni roha, jala tangis ma hamu rap dohot angka na tangis!
Rom 12 : 21
Unang ma talu ho dibahen hajahaton; alai taluhon ma hajahaton i marhitehite na denggan!
Psalmen 50 : 15
Jala jou ma Ahu jumpa di ari hagogotan, asa hupalua ho, asa dipuji ho Ahu.
Mateus 5 : 8
Martua ma parroha na ias, ai idaonasida do Debata!
Rom 12 : 12
Marlas ni roha ma hamu mangkirim! Marbenget ni roha ma di haporsuhon! Jugulhon hamu ma tangiang!
Pangungkapon 3 : 11
Magira ma Ahu ro. Tiop ma na di ho, unang adong na mambuat tumpalmi!
Mateus 24 : 4b
Jaga ma hamu, so tung dililuhon halak hamu!
Lukas 1 : 37
Ai ndang adong na so tarpatupa Debata.
Psalmen 23 : 1
Jahowa do Siparmahan ahu, ndang tagamon hurangan ahu.
Mateus 5 : 9
Martua ma sibahen dame, ai goaron do nasida anak ni Debata!
Rom 11 : 36
Ai sian Ibana do saluhutna ro, marhitehite Ibana jala marhapatean tu Ibana do sasudena i! Di Ibana ma hasangapon salelenglelengna! Amen.
Mateus 26 : 41
Dungo ma hamu jala martangiang, asa unang hamu bongot tu pangunjunan, ai na girgir do nian tondi i, alai gale do ia daging!
Rom 14 : 18
Ai molo dioloi ho Kristus disi, dihalomohon Debata do ho jala arga ho di jolma.
Pilipi 4 : 4
Marlas ni roha ma hamu tongtong di bagasan Tuhan i! Huulaki ma mandok: Marlas ni roha ma hamu!
Mateus 7 : 7
Pangido hamu ma, sai na lehononna do tu hamu; lului hamu ma, sai na jumpangan do hamu; tuktuhi hamu ma, sai na ungkaponna do di hamu!
Kolosse 3 : 23
Sian rohamuna ma ula hamu nasa sibahenonmuna; songon na tu Tuhan i, ndada tu jolma!
Pilipi 3 : 14
On do tahe: Huhalupahon na di pudingku, hueaki angka na di jolo. Dompak pandang i do hupuspus, dompak upa hamonangan na sian panjouon ni Debata sian ginjang, di bagasan Kristus Jesus i.
Epesus 6 : 16
Angkup ni sudena i, jalo hamu ma lombulombu haporseaon i; haintopan hamu do marhite sian i sude sumbia api ni parjahat i.
Epesus 5 : 20
Manongtong ma hamu mandok mauliate siala saluhutna tu Debata Ama, di bagasan Goar ni Tuhanta Jesus Kristus
1 Korint 16 : 13
Dungo ma hamu, marsihohot marhaporseaon, tang ma hamu jala margogo!
Epesus 6 : 17
Jangkon hamu ma nang tahuluk haluaon dohot podang ni tondi, i ma hata ni Debata.
Kolosse 3 : 17
Jala na siulaon, manang di hata, manang di pambahenan, saluhutna i ma marhitehite Goar ni Tuhan Jesus, huhut mandok mauliate tu Debata Ama marhitehite Ibana.
Mateus 7 : 12
Saluhut na pinangido ni rohamu, sibahenon ni halak tu hamu, i ma bahen hamu tu nasida, ai i do pamusatan ni patik ro di hata ni angka panurirang.
Psalmen 119 : 105
Hatami do sulusulu ni pathu jala hatiuron di dalanku.
Pilipi 4 : 13
Saluhutna do tarpatupa ahu marhitehite Ibana, na margogoihon ahu!
Epesus 6 : 7
Sian burjumuna ma hamu mangoloi: Songon di Tuhan i, unang di jolma i!
Psalmen 56 : 11
Mangasahon Debata, pujionku do hata i, mangasahon Jahowa, pujionku do hata i.
Mazmur 37:5
Pasahat ma dalanmu tu Jahowa jala haposi Ibana,
asa Ibana paturehon
Pilipi 4:6
Unang holsohon hamu agia aha; alai sandok pabotohon hamu ma tu Debata pangidoanmuna marhitehite tangiang dohot elehelek mardongan mauliate!
Rom 8:28
Alai taboto do, saluhutna do manumpak tu na denggan di angka na marholong ni roha di Debata, angka na jinouna sian tahina hian.
No comments:
Post a Comment