Lukas 2:1-7

24 Desember 2007

Hamu angka dongan

Sahat ma tabe tu hita sude

Selamat Hari Natal

Molo manghatai, manang marbarita hita taringat tu ari Natal, sude do i angka namardomu tu las ni roha. Ala angka nauli do i sude. Molo taida kartu Natal, molo tajaha angka SMS, tabege telephon, angka las ni roha do i sude.

Suasana pe meriah, semarak gok warna-warni, lampu tung mansai gemerlap on, hiasan dekorasi tambani pohon terang. Di dalam, di toko, dijabu di Gereja, diangka Hotel Berbintang, dohot inganon na asing.

Tole pelean angka nauli dope diangka pestani punguan marga, parsahutaon, kantor, dohot angka partai, tole dope angka ende tarbege diangka jabu di mobil pe, marhaten angka kaset. Ndang adong inganon na so mangendehon, jala sude i ala las ni roha mamestahon, jala ndang maol luluanta inganan mamestahon hatutubu ni Jesus.

Alai anggo diturpuk on:

Ayat 7 : ditubuhon ma anak buhaburjuna, diborhos ma, di peakhon ma tu bagasan panggatan ala so adong inganan na asing di paranianan nasida. Alai anggo parhapistaran sian Purba i orang majus i, loja do nasida mangalului, dao mardalan.

Dipangke Debata BINTANG.

Tubu Jesus di inganan na so mungkin di ingani halak na naeng melahirkan i ma Bora mi pinahan. Bora ni pinahan na taantusi boha keadaan na. Boha haiason na, aha ma fasilitas na adong disi. Ise ma dongan sahuta disi. Ise ma tenaga medis disi. Aha ma na boi pangkeon ni Maria dohot Joseph, laho manomunomu kelahiran ni posoposo i?

Ndang adong manang aha ia so holan panggagatan i. Tempat kelahiran, dao sian kemewahan. I ma nuaeng na nuaeng gabe renungan di hita.

Parmiaean ni Jesus do gabe las ni roha di hita. Natinaon ni Jesus do gabe las ni roha di hita. Kesederhanaan kelahiran Jesus gabe semarak di hita. Holan dua do na dungo, sepido, alai gabe ribur di hita.

Jesus, Raja ni angka Raja.

Tuan ni angka tuan.

Naung dipaima i ma leleng hombar tu angka tano ni angka panurirang.

Alai diborhon, jala peak di panggagatan ala tubu di Bara ni pinahan. Kesederhanaan do gumodang tarida dihatutubu ni Jesus. Habuluson do pinatuduhon ni hatutubuni Jesus.

Kesederhanaan i do nang dipatuduhon ibana nang di angka panghobasionna. Habuluson na do hagogoan na. Ndang adong singkola na, ia so holan di bagas joro, alai boi do ibana merobah dunia dengan mengangkat harkat dan martabat baik parompuan manang baoa.

- Siseanna pe, ndang pola timbo singkola na, ai angka sijala dengke do, alai boi do ibaa merobah dunia.

- Ndang adong di surat ibana buku alai ndang habilangan BUKU teringat tu ibana: hatana, jamitana pardalananna, naniulana gok diangka perpustakaan di portibion.

- Ndang dipajongjong ibana parsingkolaan alai, ndang habilangan na jongjong singkola ala terinspirasi sian ibana, jala torop jolma marsingkola i ana ni ibana. Mangguruhon na marobamu tu ibana.

- Ndang dipajongjong RS, yayasan isara Elim, Hepatha, d.a.n., ala nionjor ni angka jamita na, patuduhon holong ni roha tu angka na marsahit dohot na dangol.

- Ndang adong SINJATANA, alai talu do huaso portibi dibahen bana, gariada talu hamatean dibahen ibana, ai hehe do ibana di ari patoluhon.

Alani:

I do umbahen, Natal adalah kenangan masa lalu, semangat untuk hari ini dan harapan ke masa depan (Ibr. 13:8). Ari hatutubu ni Tuhan Jesus di 2007 taon na salpu gabe mansai arga do i, masa lalu do na masa i, alai mangalehon semangat tu hita nuaeng, dohot pangkirimon di haluaonta.

I ma soara ni ari pestaon tu hita, mangalehon semangat dohot pangkirimon. Alai adong ma nuaeng sungkun sungkun tu hia be: jumpang hita do Jesus na tubu i?

Adong do 3 pangambati gabe ndang boi jumping Ibana.

1. Ala parjolo (angka na asing masuk tu rohata) perkara duniawi sorang di rohanta. Salah alamat do nasida ai tu Jerusalem do nasida lalu t Herodes.

Boasa ndang adong inganan parmianan be di si Joseph dohot Maria?

Ala nunga penuh penginapan.

Nunga adong angka na pajolo manginap, gabe ndang siat be.

Jotjot do songon i nang roha ni jolma ndang siat be inganan ni Jeus di roha na, ala nunga gok angka na asing di bagasan, gabe diduru ni rohanta na ma ibana jongjong. Ndang mian be dibagasan rohanta. Ndang bongot tu roha molo dohot hta manghalashon hatutubuna, dohot ma ibana sorang nan dirohanta.

2. Pangambati na paduahon i ma, ala lea roha ni jolma tu na pogos.

Ndang marusaha parhuta Betlehem mangalehon inganan tu si Joseph & Maria. Boi do i ala di ida na ro i, hundul di atas halode, songon simbol ni kesederhanaan simbol ni hapogoson uju i.

Aut sugari hundul di UNTA, manang hoda, songon simbol kemewahan uju i, ra atik luluon nasida do na dumenggan. Alani i gabe di na asing ma sorang.

3. Pangabati na patoluhon i ma. Ndang pintor diingot tona ni angka panurirang. Dung pe leleng asa diingot hata na mandok: ia ho huta Betlehem, apala tung ummetmet ho di tongatonga ni angka huta di luat Judea, ai ho do huta haroroan ni Raja i, na marmahan Israel bangsongki.

Loja do nasida mangalului, alai ditingkina gabe jumang nasida do si Maria rap dohot posoposo i. Manungkap ma nasida marsomba tu Jesus

Hamu angka dongan

Diramoti Debata do angka silului Jesus. Di padao Debata do angka na porsea i sian angka tahi ni parjahat. Ai dung jumpang parhapistaran sian Purba i Jesus, adong do tona ni Debata tu nasida asa sian dalan na asing nasida mulak tu luat nasida, unang marmora dibahen si Herodes.

Hamu angka dongan

Taida ma angka ise ma na dihumaliang Jesus dohot ragam ni parrohaon?

1. Adong do disi si Maria dohot si Joseph, i ma na torasni Jesus posoposo i.
2. Adong do parmahan na marende i mamuji Debata ala boaboa ni surusuruan.
3. Adong do parroha na sian Purbai, na mangalului, jala dung jumpang mangungkap marsomba tu posoposo i, huhut dipasahat angka na arga dohot angka na angur.
4. Adong do angka sintua ni malim dohot angka siboto surat, nanamboto taringot inganan hatubuon ni Jesus psoposo i.
5. Alai laos adong do Raja Herodes na marsangkap mamunu Jesus.

I ma ragam ni pangalaho, roha ni jolma di portibion maradophon Jesus. Jala tu angka i ma ro Tuhanta i mamboan: haluaon, hadameon. Roma hita tu Ibana mamboan ngolunta, marsomba tu Ibana.

AMEN.